ՀԱՆԴԻՊՈՒՄ ԴՊՐՈՑԱԿԱՆՆԵՐԻ ՀԵՏ
ՀԱՆԴԻՊՈՒՄ ԴՊՐՈՑԱԿԱՆՆԵՐԻ ՀԵՏ
Մարտի 18-ին Հայաստանի գրողների միություն էին այցելել Գեղարքունիքի
մարզի Գավառի տարածաշրջանի Կարմիրգյուղի
թիվ 2 դպրոցի 7-րդ դասարանի աշակերտները: Արձակագիր
Տիգրան Նիկողոսյանը
աշակերտներին պատմեց Գրողների միության մասին: Կլոր սրահում աշակերտները հանդիպեցին ՀԳՄ նախագահ Էդվարդ Միլիտոնյանին: Տիգրան Նիկողոսյանը ներկայացրեց
Էդվարդ Միլիտոնյանին՝
անդրադառնալով նրա գրական գործունեությանը: Էդ.
Միլիտոնյանը խոսեց գրականության, մշակույթի
և իր ստեղծագործությունների մասին` խորհուրդ տալով աշակերտներին
շատ ընթերցել բազմակողմանի զարգանալու
համար: «Ունեցե՛ք նպատակ և գնացեք դեպի ձեր նպատակը, ընտրեք ճանապարհներ, որպեսզի ձեր կյանքը իմաստալից լինի»,- ասաց նա: Այնուհետև
նա ընթերցեց բանաստեղծություններ իր
«Կատվի դատը» գրքից ու պատասխանեց
աշակերտների հարցերին: Էդ.Միլիտոնյանը դպրոցի հայոց լեզվի և գրականության
ուսուցչուհի Արփինե Ջրաղացպանյանին դպրոցի գրադարանի համար նվիրեց իր և ՀԳՄ-ում հրատարակված գրքերից: Արփինե Ջրաղացպանյանը շնորհակալություն հայտնեց գրքերի ու հետաքրքիր հանդիպման համար:
