ԳՐՔԵՐԻ ՇՆՈՐՀԱՆԴԵՍ
Գրքերի շնորհանդես
Նոյեմբերի 18-ին ՀԳՄ կլոր սրահում տեղի ունեցավ բանաստեղծ, թարգմանիչ Սուրեն Դավթյանի «Ես աշխարհ եմ աշխարհի մեջ» մանկապատանեկան և Վոլֆգանգ Գյոթեի «Հեքիաթ գեղեցկուհի Շուշանի և կանաչ օձի մասին» թարգմանական գրքերի շնորհանդեսը: Գրքերը տպագրվեն են «Արմավ» հրատարակչությունում: Ելույթ ունեցան ՀԳՄ նախագահ Էդվարդ Միլիտոնյանը, «Արմավ» հրատարակչության խմբագիր, գրականագետ, բ.գ.թ. Արմեն Ավանեսյանը, բանաստեղծ Վարուժան Ղազանչյանը, արձակագիր Տիգրան Նիկողոսյանը, ՀՀ վաստակավոր ուսուցչուհի Հասմիկ Հարությունյանը և այլոք: Նրանք խոսեցին Սուրեն Դավթյանի ստեղծագործությունների և նոր գրքերի յուրահատկությունների մասին: Արժևորվեց Գյոթեի գրքի թարգմանությունը՝ նշելով, որ նրա մանկական ստեղծագործությունները քիչ են թարգմանված հայերեն: Նշվեց գրականագետների՝ մանկապատանեկան գրականությանը անդրադառնալու կարևորության մասին: Տիգրան Նիկողոսյանն առաջարկեց կազմակերպել մանկապատանեկան գրականությանը նվիրված քննարկում, որին կմասնակցեն ոչ միայն գրողներ, այլև՝ ուսուցիչներ: Սուրեն Դավթյանը շնորհակալություն հայտնեց հնչած ելույթների, կարծիքների ու գնահատանքի համար:
