ՀՐԱՆՏ ՄԱԹԵՎՈՍՅԱՆ – 85
ՀՐԱՆՏ ՄԱԹԵՎՈՍՅԱՆ – 85
«Սիրենք, սիրենք,
սիրենք միմյանց։
Սարյանից մեծ
նկարիչ չկա։
Թումանյանից մեծ
մտածող չկա։
Մեր
հացից քաղցր հաց չկա։
Այս
հայրենիքից դուրս՝ այլ Հայաստան- չկա։
Խղճի և մարդկայնության կերպարը հայ մադու պատկերից է հանվելու։
Սիրենք, սիրենք, սիրենք միմյանց-մեր այլանդակներին, մեր խեղճերին, մեր բարձրերին, մեր նվաստներին։
Հայրենիքը հայրենիք է դառնում սիրով։ Հայրենիքը՝ լավ կամ վատ, կյանք է, հայրենիքից դուրս՝ հավիտենական ոչինչ»․․․
Հրանտ Մաթևոսյան
Փետրվարի 12-ը Հրանտ Մաթևոսյանի ծննդյան օրն է։ Գրողի ծննդյան 85 – ամյակի առթիվ Կոմիտասի անվան զբոսայգու պանթեոն՝ գրողի շիրմին այցելեցին և նրա հիշատակը խնկարկեցին ՀՀ ԿԳՄՍ նախարարի տեղակալ Նարինե Խաչատուրյանը, ՀԳՄ նախագահ, բանաստեղծ Էդվարդ Միլիտոնյանը, կինոմատոգրաֆիստների միության նախագահ Հարություն Խաչատրյանը, Եղիշե Չարենցի անվան գրականության և արվեստի թանգարանի տնօրեն Կարո Վարդանյանը, գրականագետներ՝ Ժենյա Քալանթարյանը, Վազգեն Գաբրիելյանը,ինչպես նաև գրողի ընտանիքը, մտավորականներ, գրողներ, քաղաքական գործիչներ, լրագրողներ, Մեծն գրողի գրականության երկրպագուներ, ընթերցողներ։ Հրանտ Մաթևոսյանի գրականությունը արժևորեցւն և խոսք ասացին ՀԳՄ նախագահ Էդվարդ Միլիտոնյանը և գրողի որդին՝ Դավիդ Մաթևոսյանը:
