ԳՐԱԿԱՆ ՏԵՂԵԿԱՏՈՒԻ ՇՆՈՐՀԱՆԴԵՍԸ
ԳՐԱԿԱՆ ՏԵՂԵԿԱՏՈՒԻ ՇՆՈՐՀԱՆԴԵՍԸ
Մարտի 6-ին կլոր սրահում տեղի ունեցավ Հայաստանի գրողների միության անդամների «Գրական տեղեկատու»-ի շնորհանդեսը: Տեղեկատուն կազմել է ՀԳՄ նախագահ Էդվարդ Միլիտոնյանը, խմբագիրն է Սամվել Կոսյանը: Գիրքը տպագրվել է «Վան Արյան» հրատարակչությունում: Էդվարդ Միլիտոնյանը շնորհավորեց գրողներին հրատարակված գրքի կապակցությամբ՝ ասելով, որ գրական տեղեկատուն բացառիկ է այն առումով, որ ներառում է ոչ միայն Հայաստանում ապրող, այլև Արցախի գրողների միության անդամների և սփյուռքահայ գրողների կենսագրությունները: Տեղեկատուն տպագրվել է Թարյան (Մխիթարյան) ընտանիքի հովանավորությամբ: Էդ. Միլիտոնյանը շնորհակալագիր հանձնեց Անահիտ Թարյանին: Սամվել Կոսյանը խոսեց գրքի տպագրման համար անհրաժեշտ նյութերի հավաքման ու տպագրության նախապատրաստելու մասին՝ նշելով, որ տեղեկատուն հանրագիտարանային հրատարակություն է: Ելույթ ունեցան հրատարակիչ Վան Արյանը, բանաստեղծուհի Անուշ Վարդանյանը և գրականագետ Արմեն Ավանեսյանը:
