ՎԱՌԼԵՆ ԱԼԵՔՍԱՆՅԱՆ. «ՎԵՐԱԴԱՐՁ»
Վառլեն Ալեքսանյան. «Վերադարձ»
Հունիսի 7-ին ՀԳՄ կլոր սրահում տեղի ունեցավ Վառլեն Ալեքսանյանի հետմահու հրատարակված «Վերադարձ» բանաստեղծությունների ժողովածուի շնորհանդեսը: Գիրքը ներառում է բանաստեղծի տպագրված և անտիպ ստեղծագործություններն ու թարգմանությունները, տպագրվել է հեղինակի ծննդյան 80-ամյակի առթիվ, «Հայրապետ» հրատարակչությունում: Ելույթ ունեցան ՀԳՄ նախագահ Էդվարդ Միլիտոնյանը, բանաստեղծներ Արևշատ Ավագյանը, Հռիփսիմեն, Լևոն Բլբուլյանը, Շանթ Մկրտչյանը, Մանասեն,Գոռ Հարությունյանը, Հակոբ Հարությունը, Նորայր Գրիգորյանը և արձակագիր Ալիս Հովհաննիսյանը: Շնորհանդեսի ընթացքում ասմունքող Գայանե Սամվելյանն ընթերցեց Վառլեն Ալեքսանյանի ստեղծագործություններից: Ավարտին շնորհակալական խոսք ասաց բանաստեղծի դուստր Լիլիթ Ալեքսանյանը, որ գրքի կազմողն է և հրատարակման նախաձեռնողը:
