ՍԱՄՎԵԼ ՄՈՒՐԱԴՅԱՆԻ ԾՆՆԴՅԱՆ 80-ԱՄՅԱԿԸ
ՍԱՄՎԵԼ ՄՈՒՐԱԴՅԱՆԻ ԾՆՆԴՅԱՆ 80-ԱՄՅԱԿԸ
Հունվարի 23-ին ՀԳՄ կլոր սրահում տեղի ունեցավ գրականագետ, բ.գ.դ., պրոֆեսոր Սամվել Մուրադյանի ծննդյան 80-ամյակին նվիրված գրական ցերեկույթ: ՀԳՄ նախագահ Էդվարդ Միլիտոնյանը շնորհավորեց Սամվել Մուրադյանին հոբելյանի առթիվ՝ հանձնելով նրան ՀԳՄ ուղերձը և մաղթելով ստեղծագործական նոր հաջողություններ: Ցերեկույթը վարում էր բանաստեղծ Կորյուն Առաքելյանը: Ելույթ ունեցան գրականագետ, բ.գ.դ., պրոֆեսոր Դավիթ Գասպարյանը, բանաստեղծ Արևշատ Ավագյանը, արձակագիր Սեյրանուհի Գեղամյանը, ՀՀ գիտությունների ազգային ակադեմիայի ավագ գիտաշխատող Արմեն Կարապետյանը, Լուսինե Զաքարյանի տուն-թանգարանի տնօրեն Սուսաննա Դավթյանը, բանաստեղծուհիներ Անահիտ Դանիելյանը, Եսթերը և այլոք: Սամվել Մուրադյանին ասմունքով շնորհավորեց ՀՀ վաստակավոր արտիստուհի Գրետա Մեջլումյանը: Սամվել Մուրադյանի գրականագիտական հոդվածներից հատվածներ ընթերցեցին ՀԳՄ Սուրեն Քոչարյանի անվան պոեզիայի և ասմունքի թատրոնի ղեկավար, Գաբրիել Սունդուկյանի անվան ազգային ակադեմիական թատրոնի դերասան Սամվել Բաղինյանը և բանասեր, ասմունքող Գայանե Անտինյանը: Ցերեկույթի ավարտին Սամվել Մուրադյանը խոսեց իր անցած ճանապարհի, հայ գրողների, հատկապես՝ Հովհաննես Շիրազի հետ իր մտերմության, գրականագիտական ու դասախոսական աշխատանքների մասին և շնորհակալություն հայտնեց հնչած ելույթների ու գնահատանքի համար:
