ՀԱՅՏԱՐԱՐՈՒԹՅՈՒՆ
ՀԱՅՏԱՐԱՐՈՒԹՅՈՒՆ
Թարյան – Մխիթարյան ընտանիքի «Հայրենանվեր» գրական մրցանակաբաշխություն
Մրցանակները շնորհվում են գեղարվեստական Արձակ, Պոեզիա, մանկապատանեկան գրականություն, դրամատուրգիա անվանակարգերում։ Մրցանակաբաշխությանը մասնակցում են Հայաստանի գրողների միության անդամները։ Ներկայացված ստեղծագործությունները պետք է գեղարվեստական մակարդակով պատկերեն հայ մարդու ներաշխարհը, ազգային կյանքը և վեր հանեն հասարակական կարևոր խնդիրներ՝ առաջնորդվելով համազգային ու բարոյական բարձր գիտակցությամբ։
Յուրաքանչյուր անվանակարգում սահմանվում է 3 մրցանակ, հետևյալ մրցանակային գումարով.
1-ին մրցանակ՝ 85.000 դրամ,
2-րդ մրցանակ՝ 50.000 դրամ
3-րդ մրցանակ՝ 40.000 դրամ։
Ներկայացվող գրքերը պետք է տպագրված լինեն տվյալ տարում։ Գործերն ընդունվում են մինչև 2025 թ. դեկտեմբերի 20-ը։
Մրցանակաբաշխության արդյունքներն ամփոփվում են հաջորդ տարվա հունվարին՝ հանձնաժողովի կողմից՝ փակ-գաղտնի քվեարկությամբ, ձայների պարզ մեծամասնությամբ։ Յուրաքանչյուր հեղինակ մրցանակի կարող է հավակնել միայն մեկ անվանակարգում։
Գրքերը ներկայացնել Գրողների միություն (Բաղրամյան 3), ՀԳՄ գործերի կառավարիչ Հ. Նազարյանին։ Հեռախոս՝ 56-45-70։
