ՀԱՅԱՍՏԱՆԻ ԳՐՈՂՆԵՐԻ ՄԻՈՒԹՅԱՆ ԿԱՆՈՆԱԴՐՈՒԹՅՈՒՆԸ
ԿԱՆՈՆԱԴՐՈՒԹՅՈՒՆ
«ՀԱՅԱՍՏԱՆԻ ԳՐՈՂՆԵՐԻ ՄԻՈՒԹՅՈՒՆ»
ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆ
/Նոր խմբագրությամբ/
2015 թ. – Երևան
1. ԸՆԴՀԱՆՈՒՐ ԴՐՈՒՅԹՆԵՐ
1.1. «Հայաստանի gրողների միություն» հասարակական կազմակերպությունը /այսուհետ` կազմակերպություն/ անձանց շահերի ընդհանրության հիման վրա, ոչ կրոնական հոգևոր և ոչ նյութական այլ պահանջմունքներ բավարարելու նպատակով ստեղծված կամավոր հասարակական միավորում է, որը «Հայաստանի գրողների միավորում» հասարակական կազմակերպության անվանափոխությամբ gրանցված կազմակերպություն է:
1.2. Կազմակերպությունը gործում է Հայաստանի Հանրապետության օրենսդրության, Հայաստանի Հանրապետության միջազգային պայմանագրերի և սույն կանոնադրության հիման վրա:
1.3. Կազմակերպության գործունեության սկզբունքներն են՝ օրինականությունը, կամավորությունը, իրավահավասարությունը, ինքնակառավարումը և հրապարակայնությունը:
1.4. Կազմակերպությունը գործում է Հայաստանի Հանրապետության ողջ տարածքում և օտարերկրյա պետություններում՝ այդ պետությունների օրենսդրությանը համապատասխան:
1.5. Կազմակերպության հայերեն լրիվ անվանումն է` «Հայաստանի գրողների միություն» հասարակական կազմակերպություն:
1.6. Կազմակերպության գտնվելու վայրն է՝ ք.Երևան, Մարշալ Բաղրամյան 3, Գրողների տուն£
2. ԿԱԶՄԱԿԵՐՊՈՒԹՅԱՆ ՆՊԱՏԱԿՆԵՐԸ (ԱՌԱՐԿԱՆ) ԵՎ ԽՆԴԻՐՆԵՐԸ
2.1 Կազմակերպության գործունեության նպատակները (առարկան) և խնդիրներն են՝
օրենքով սահմանված կարգով՝
• Կազմակերպել գրական գործընթացը.
• Աջակցել հայ գրականության զարգացմանն ու տարածմանը.
• Սփյուռքի հայ գրողների հետ ստեղծել միասնության, ստեղծագործական և փոխհամագործակցության մթնոլորտ, սերտորեն համագործակցել Սփյուռքի գրողների հետ.
• Աջակցել հայ գրականության ուսումնասիրությանը, մեկնաբանությանը, թարգմանությանը և տարածմանը նպաստող այլազգի ստեղծագործողներին.
• Նպաստել կազմակերպության անդամների հեղինակային իրավունքների իրականացմանը ՀՀ-ում և այլ պետություններում, գրական ժառանգության հրատարակմանն ու տարածմանը, կազմակերպության անդամների սոցիալական, ստեղծագործական պայմանների բարելավ-մանը, սկսնակ ստեղծագործական ուժերի հայտնաբերմանն ու ձևավորմանը.
• իրականացնել հրատարակչական գործունեություն.
• համակարգել գրական տեղեկատվությունը.
• կազմակերպել գրական-ստեղծագործական քննարկումներ, նախաձեռնել գիտաժողովներ, սեմինարներ, կլոր սեղաններ, խորհրդակցություններ, գրական-մշակութային միջոցառումներ.
• Նպաստել ստեղծագործության և մշակութային ոլգործողների կոլեկտիվ և անհատական մասնակցությանը ազգային-հասարակական, սոցիալական, կրթամշակութային, բնապահպանական և հասարակական նշանակություն ունեցող այլ ծրագրերի իրականացմանը.
• Համախմբել կազմակերպության անդամների ներդրումները, ՀՀ օրենսդրությամբ չարգելված այլ աղբյուրներից ստացված միջոցները և դրանք նպատակաուղղել կազմակերպության գործունեության արդյունավետության բարձրացմանը:
• Հաստատել գործնական կապեր համանման գործունեություն իրականացնող այլ կազմակերպությունների հետ.
• Ներկայացնել և պաշտպանել իր անդամների իրավունքներն ու շահերը պետական և ոչ պետական մարմիններում, հիմնարկներում և այլ կազմակերպություններում:
2.2. Կազմակերպությունն իրականացնում է նաև ՀՀ օրենսդրությամբ չարգելված այլ ծրագրեր:
3. ԿԱԶՄԱԿԵՐՊՈՒԹՅԱՆՆ ԱՆԴԱՄԱԳՐՎԵԼՈՒ ԵՎ ԱՆԴԱՄՈՒԹՅՈՒՆԻՑ ԴՈՒՐՍ ԳԱԼՈՒ ԿԱՐԳԸ
3.1. Կազմակերպության անդամ կարող է դառնալ Հայաստանի Հանրապետության, ինչպես նաև օտարերկրյա ցանկացած քաղաքացի և քաղաքացիություն չունեցող անձ, Սփյուռքի հայազգի քաղաքացիները, հայաստանաբնակ այլազգի գրող, ով ցանկանում է մասնակցել նրա գործունեությանը և ընդունում է Կազմակերպության կանոնադրությունը:
3.2. Կազմակերպության անդամ դառնալու ցանկություն ունեցող անձը գրավոր դիմում է Կազմակերպության վարչությանը (այսուհետև՝ Վարչություն): Սփյուռքի հայազգի քաղաքացիները կարող են անդամագրվել Կազմակերպությանը՝ նախապես ստանալով համապատասխան երկրի (ըստ վերջին մշտական բնակության վայրի) Գրողների միության երաշխավորությունը£ Վերջինիս միջնորդագրի և քաղաքացու դիմումի համաձայն Կազմակերպության նախագահությունը /այսուհետ՝ Նախագահություն/ կանոնադրությամբ սահմանված կարգով որոշում է կայացնում Սփյուռքի հայազգի քաղաքացուն կազմակերպության անդամության շարքերն ընդունելու մասին, իսկ եթե տվյալ երկրում չկա Գրողների միություն, ապա Կազմակերպությանը անդամագրվելու համար Կազմակերպության նախագահությանը անմիջապես կարող է իր դիմումը հանձնել Սփյուռքի հայազգի քաղաքացին հեռահաղորդակցության միջոցներով (էլեկտրոնային կապ, փոստային կապ, հեռախոսակապ, նամակագրություն):
3.3. Կազմակերպության անդամության մեջ ընդունելու հարցը լուծում է Վարչությունը£
3.4. Կազմակերպությանն անդամագրված անձն ազատ է դուրս գալու Կազմակերպությունից: Կազմակերպության անդամությունից զրկումը տեղի է ունենում Վարչության որոշմամբ:
3.5. Կազմակերպության այն անդամը, որ Վարչության կողմից սահմանված լինելու դեպքում երկու տարի անընդմեջ չի վճարում անդամավճար, կամ պարբերաբար խախտում է սույն Կանոնադրությունը, Վարչության որոշմամբ զրկվում է անդամությունից կամ ժամանակավորապես կասեցվում է նրա անդամությունը£ Վերստին նրա անդամագրումը կատարվում է ընդհանուր հիմունքներով£
4.ԿԱԶՄԱԿԵՐՊՈՒԹՅԱՆ ԱՆԴԱՄՆԵՐԻ ԻՐԱՎՈՒՆՔՆԵՐՆ ՈՒ ՊԱՐՏԱԿԱՆՈՒԹՅՈՒՆՆԵՐԸ
4.1. Կազմակերպության անդամն իրավունք ունի՝
ա/ ընտրել և ընտրվել Կազմակերպության բարձրագույն և այլ մարմիններում, ընդ որում, ղեկավար և վերահսկողություն իրականացնող մարմիններում կարող է ընտրվել 18 տարին լրացած անձը.
բ/ Կազմակերպության աշխատանքները բարելավելու նպատակով, նրա ղեկավար մարմիններին ներկայացնել դիմումներ, առաջարկություններ և բողոքներ.
գ/ սպառիչ տեղեկատվություն ստանալ Կազմակերպության գործունեության մասին.
դ/ ազատ դուրս գալ Կազմակերպությունից.
ե/ Կազմակերպությունից ստանալ իրավական օգնություն՝ ուղղված իր օրինական շահերի պաշտպանությանը.
զ/ մասնակցել Կազմակերպության կողմից կազմակերպված միջոցառումներին.
է/ Կազմակերպության նախագահի և Վարչության ոչ կանոնադրական գործունեության դեմ բողոքարկել համագումարին կամ դատարան՝ օրենքով սահմանված կարգով:
4.2. Կազմակերպության անդամը պարտավոր է՝
ա/ հոգ տանել Կազմակերպության հեղինակության մասին, բարձր պահել նրա հեղինակությունը.
բ/ կատարել Կազմակերպության կանոնադրության պահանջները, ղեկավար մարմինների որոշումները.
գ/ մուծել մուտքի վճար և տարեկան անդամավճար՝ Վարչության կողմից սահմանված լինելու դեպքում, որոնց չափն ու վճարման կարգը սահմանում է Վարչությունը.
դ/ բարեխղճորեն կատարել իր վրա դրված պարտականությունները.
ե/ Կազմակերպությանն անդամագրված արտերկրի քաղաքացի սփյուռքահայ գրողների իրավունքներն ու պարտականությունները սահմանում է Վարչությունը, որի հիման վրա առանձին դեպքերի վերաբերյալ որոշումներ է կայացնում քարտուղարությունը:
4.3. Կազմակերպության կանոնադրությունը խախտող կամ իր պարտականությունները չկատարող անդամի նկատմամբ Կազմակերպության Համագումարի կամ Վարչության կողմից կարող են կիրառվել կարգապահական տույժի միջոցներ՝ նկատողություն, Կազմակերպության անդամությունից զրկում:
5. ԿԱԶՄԱԿԵՐՊՈՒԹՅԱՆ ԻՐԱՎՈՒՆՔՆԵՐԸ
5.1. Կազմակերպությունը հանդիսանում է իրավաբանական անձ՝ պետական գրանցման պահից:
5.2. Կազմակերպությունն ունի առանձնացված գույք, ինքնուրույն հաշվեկշիռ, հայերեն, ռուսերեն, անգլերեն անվանումներով կլոր կնիք՝ խորհրդանիշով, որտեղ պատկերված է Մասիս սարի վերևից ճառագող բացված գիրք, որի աջ և ձախ կողմերում տեղադրված են ցորենահասկեր, և լեռան ստորոտում՝ երկու փետուրներով շրջանակված խաղողի ողկույզ /խորհրդանիշի պատկերը կցված է կանոնադրությանը, որպես հավելված/, ունի դրոշմ, հաշվարկային հաշիվ բանկում՝ Հայաստանի Հանրապետության և օտարերկրյա արժույթով, իր անունից կարող է ձեռք բերել գույքային և ոչ գույքային իրավունքներ և կրել պարտականություններ, որպես հայցվոր և պատասխանող հանդես գալ դատարանում:
5.3. Կազմակերպությունն ինքնուրույն է որոշում իր կազմակերպական կառուցվածքը, խնդիրները, նպատակները և գործունեության ձևերը:
5.4. Կազմակերպությունն իր կանոնադրությամբ նախատեսված նպատակները և խնդիրներն իրականացնելու համար, օրենքով սահմանված կարգով, իրավունք ունի՝
ա/ տեղեկատվություն տարածել իր գործունեության մասին.
բ/ հիմնադրել լրատվության միջոցներ.
գ/ կազմակերպել հավաքներ.
դ/ ներկայացնել և պաշտպանել իր անդամների իրավունքները և օրինական շահերն այլ կազմակերպություններում, դատարանում, պետական կառավարման և տեղական ինքնակառավարման մարմիններում.
ե/ իրականացնել ձեռնարկատիրական գործունեություն՝ իր կողմից հիմնադրված տնտեսական ընկերությունների միջոցով.
զ/ օրենսդրությամբ սահմանված կարգով ձեռք բերել, վարձակալել և օգտագործել անշարժ գույք, տրանսպորտային միջոցներ, օրենքով չարգելված այլ գույք.
է/ օտարել կամ վարձակալության կամ անվճար օգտագործման հանձնել Կազմակերպությանը պատկանող ցանկացած անշարժ և շարժական գույք.
ը/ կնքել օրենսդրությամբ չարգելված պայմանագրեր և այլ գործարքներ.
թ/ ինքնուրույն կազմավորել և տնօրինել իր ֆինանսական ռեսուրսները, այդ թվում՝ փոխառու միջոցների ներգրավմամբ, Հայաստանի Հանրապետությունում և այլ պետություններում ստանալ վարկեր, դրամաշնորհներ, այդ թվում՝ արտարժույթով.
ժ/ իրականացնել ինքնուրույն արտաքին գործունեություն, այդ թվում՝ կնքել համաձայնագրեր օտարերկրյա ոչ առևտրային և ոչ կառավարական կազմակերպությունների հետ, անդամակցել միջազգային հասարակական կազմակերպություններին, իր անդամներին և այլ անձանց գործուղել արտասահմանյան երկրներ, հրավիրել այլ երկրներից քաղաքացիներ, ստեղծել առանձնացված ստորաբաժանումներ օտարերկրյա պետություններում՝ այդ պետությունների օրենսդրությանը համապատասխան:
6. ԿԱԶՄԱԿԵՐՊՈՒԹՅԱՆ ՊԱՐՏԱԿԱՆՈՒԹՅՈՒՆՆԵՐԸ
6.1. Կազմակերպությունը պարտավոր է՝
ա/ ցանկացած ֆիզիկական անձի պահանջով յոթ օրացուցային օրվա ընթացքում նրան հնարավորություն տալ ծանոթանալու Կազմակերպության կանոնադրությանը.
բ/ օրենքով սահմանված կարգով վարել գործավարություն և հաշվապահական հաշվառում.
գ/ իր գործունեության և գույքի օգտագործման հաշվետվությունները ներկայացնել Կազմակերպության Համագումարի հաստատմանը ոչ պակաս, քան չորս տարին մեկ անգամ՝ ապահովելով այդ հաշվետվությունների հրապարակայնորեն մատչելի լինելը.
դ/ պետական կառավարման լիազորված մարմնի պահանջով նրան տրամադրել իր բարձրագույն և այլ մարմինների որոշումների պատճենները, Կազմակերպության գործունեության մասին այլ փաստաթղթեր, թույլատրել այդ մարմինների ներկայացուցիչներին ներկա գտնվելու Կազմակերպության Համագումարին.
ե/ օրենքով նախատեսված դեպքերում և կարգով տեղեկատվություն ու հաշվետվություններ ներկայացնել պետական մարմիններին.
զ/ առանձնացված ստորաբաժանում կամ հիմնարկ ստեղծելու և կազմալուծելու մասին որոշումներ ընդունելուց հետո՝ մեկամսյա ժամկետում դիմել պետական գրանցման մարմին, սահմանված կարգով դրանք հաշվառելու և հաշվառումից հանելու համար.
է/ վարել իր անդամների հաշվառումը.
ը/ առանց լիազորագրի Կազմակերպությունը ներկայացնելու իրավունք ունեցող պաշտոնատար անձի և /կամ/ Կազմակերպության գտնվելու վայրի հասցեի փոփոխման դեպքում, 14 օրացուցային օրվա ընթացքում պետական գրանցման մարմին ուղարկել այդ անձի անձնագրային տվյալները և /կամ/ Կազմակերպության գտնվելու վայրի հասցեի մասին տվյալներ:
7. ԿԱԶՄԱԿԵՐՊՈՒԹՅԱՆ ԿԱՌԱՎԱՐՄԱՆ ԿԱՐԳԸ
7.1. Կազմակերպության գործունեության և կառավարման ցանկացած հարցի վերջնական լուծման իրավունքը պատկանում է Կազմակերպության բարձրագույն մարմնին՝ Համագումարին:
7.2. Համագումարը հրավիրվում է 4 տարին մեկ անգամ: Համագումարը հրավիրում, դրա անցկացման կարգն ու ժամկետները որոշում է Վարչությունը: Եթե Կազմակերպության անդամների թվաքանակը անցնում է հարյուրի սահմանը, ապա Վարչության կողմից սահմանված կարգով Համագումարին կարող են մասնակցել անդամների կողմից ընտրված ներկայացուցչական պատվիրակները՝ ներառյալ ներկայացուցչական պատվիրակներ Սփյուռքի հայազգի քաղաքացիների կողմից ընտրված: Կազմակերպության արտահերթ Համագումար հրավիրվում է Կազմակերպության անդամների մեկ երրորդի կամ Կազմակերպության Վերահսկիչ հանձնաժողովի (Վերահսկիչի) պատճառաբանված պահանջով` Վարչության կողմից՝ պահանջող կողմի հաստատած օրակարգով՝ ոչ ուշ, քան 14 օրացուցային օրվա ընթացքում:
7.3. Համագումարի բացառիկ իրավասության հարցերն են՝
ա/ Կազմակերպության կանոնադրության հաստատումը, փոփոխումը և լրացումը, նոր խմբագրությամբ կանոնադրության հաստատումը.
բ/ Կազմակերպության ղեկավար և վերահսկողություն իրականացնող մարմինների ընտրությունը, կազմի փոփոխումը, լիազորությունների դադարեցումը.
գ/ Կազմակերպության գործունեության և գույքի օգտագործման հաշվետվությունների հաստատումը.
դ/ Կազմակերպության վերակազմակերպման և լուծարման մասին որոշման ընդունումը, գույքի փոխանցման ակտի կամ բաժանիչ հաշվեկշռի հաստատումը, բացի դատարանի վճռով վերակազմակերպումից:
7.4. Համագումարը կարող է հարցեր քննարկել և որոշումներ ընդունել, եթե նրան մասնակցում են Կազմակերպության բոլոր անդամների կամ բոլոր պատվիրակների կեսից ավելին: Հարցերի քննարկման ժամանակ որոշումներն ընդունվում են բոլոր անդամների կամ բոլոր պատվիրակների ձայների պարզ մեծամասնությամբ:
Համագումարի ընթացքի արծանագրման փաստաթղթերը պահպանվում են ոչ պակաս, քան 5 տարի ժամկետում£
7.5. Վարչությունն ընտրվում է Համագումարի կողմից 4 տարի ժամկետով:
Վարչությունն աշխատանքներն իրականացնում է նիստերի ձևով, որոնք հրավիրվում են Կազմակերպության նախագահի կողմից ոչ ուշ, քան 6 ամիսը մեկ անգամ: Վարչության արտահերթ նիստ կարող է հրավիրվել Նախագահության պատճառաբանված առաջարկությամբ:
7.6 Վարչությունը՝
ա/ հաստատում է Կազմակերպության նախագահի հաշվետվությունները, այդ թվում՝ Համագումարին ներկայացվող հաշվետվությունը.
բ/ առաջարկություններ է ներկայացնում Համագումարին՝ նրա բացառիկ իրավասությանը վերաբերող հարցերի վերաբերյալ.
գ/ ընդունում է Կազմակերպության անդամ և ազատում կամ զրկում անդամությունից.
դ/ Կազմակերպության անդամների նկատմամբ կիրառում է խրախուսանքներ և տույժի միջոցներ.
ե/ ղեկավարում է Կազմակերպության գործունեությունը Համագումարների միջև ընկած ժամանակաշրջանում.
զ/ սահմանում է Կազմակերպության անդամների կողմից մուտքի վճարի և անդամավճարի մուծման կարգը, չափերը և ձևերը.
է / ձեռք է բերում, տիրապետում, օգտագործում, տնօրինում, օտարում և դուրս գրում Կազմակերպության՝ մեկ միլիոն դրամը գերազանցող արժողությամբ ցանկացած տեսակի գույքը.
ը/ ստեղծում և լուծարում է Կազմակերպության հիմնարկները, կառուցվածքային ստորաբաժանումները, առանձնացված ստորաբաժանումները (մասնաճյուղեր, ներկայացուցչություններ), ինչպես նաև հաստատում է դրանց կանոնադրությունները.
թ/ հաստատում է Կազմակերպության աշխատակազմի հաստիքացուցակը, աշխատողների վարձատրության կարգն ու չափերը, Նախագահի առաջարկությամբ ընտրում է Վարչության քարտուղարներ.
ժ/ սահմանում է Կազմակերպության ղեկավար մարմիններում ընդգրկված անձանց վարձատրության կարգը և չափը.
ժա/ հաստատում է Կազմակերպության հաշվապահական հաշվառման հաշվետվությունները.
ժբ/ իրավունք ունի քննարկել և լուծել Կազմակերպության գործունեությանն ու կառավարմանն առնչվող ցանկացած հարց, բացառությամբ Համագումարի բացառիկ իրավասությանը վերապահվածներից:
7.7. Վարչությունը կարող է հարցեր քննարկել և որոշումներ կայացնել, եթե նրա նիստերին մասնակցում է անդամների առնվազն երկու երրորդը: Վարչության որոշումներն ընդունվում են ձայների պարզ մեծամասնությամբ: Ձայների հավասարության դեպքում, Նախագահի ձայնը վճռորոշ է:
Վարչությունն իր կազմից 4 տարի ժամկետով ընտրում է Կազմակերպության Նախագահություն, որի թվաքանակը և լիազորությունները հաստատում է Վարչությունը: Նախագահությունն իր աշխատանքներն իրականացնում է նիստերի ձևով, որոնք հրավիրվում են ոչ պակաս, քան ամիսը մեկ անգամ:
7.8. Նախագահության իրավասություններն են.
• Նախապատրաստում է Համագումարը և Վարչության նիստերը.
• սահմանում է Վարչության քարտուղարների գործունեության ոլորտները և աշխատանքային պարտականությունները.
• Նախագահի առաջարկությամբ, հաստատում է իր հիմնադրած ընկերությունների ղեկավարներին, հրատարակչությունների, գրական մամուլի խմբագիրներին, ստեղծագործական օղակների համակարգողներին, գրական ֆոնդի ղեկավարին, ինչպես նաև հիշյալ կառույցների կանոնադրությունները.
• հաստատում է ընթացիկ տարվա աշխատանքային գործունեության ժամանակացույցը.
• Կազմակերպության անդամների նկատմամբ կիրառում է խրախուսանքի («Գրական վաստակի համար» մեդալ, շնորհակալագրեր և այլն) և տույժի միջոցներ (նկատողություն, խիստ նկատողություն, անդամության ժամանակավոր կասեցում):
7.9 Նախագահությունը կարող է հարցեր քննարկել և որոշումներ կայացնել, եթե նիստին մասնակցում է իր անդամների առնվազն երկու երրորդը: Նախագահության որոշումներն ընդունվում են ձայների պարզ մեծամասնությամբ:
7.10. Կազմակերպության քարտուղարությունն ընտրվում է Նախագահության կողմից, բաղկացած է երկու քարտուղարից և Նախագահից, որը ղեկավարում է Քարտուղարության աշխատանքները:
7.11 Քարտուղարությունը՝
ա/ վարում է աշխատակազմի ընթացիկ գործունեությունը, իրականացնում է Վարչության որոշումներն ու հաստատված ծրագրերը, կատարում է Նախագահության և Նախագահի հանձնարարականները.
բ/ ընդունում է որոշումներ իր իրավասության սահմաններում:
7.12 Կազմակերպության Նախագահն ընտրվում է Համագումարի կողմից 4 տարի ժամկետով:
7.13 Կազմակերպության Նախագահը՝
ա/ ղեկավարում է Վարչության և Նախագահության աշխատանքները և վարում է դրանց նիստերը.
բ/ ներկայացնում է Կազմակերպությունն առանց լիազորագրի.
գ/ արձակում է հրամաններ, տալիս է լիազորագրեր.
դ/ օրենքով սահմանված կարգով կնքում է գործարքներ, ստորագրում է պայմանագրեր, ֆինանսական փաստաթղթեր, բացում բանկային հաշիվներ.
ե/ Վարչության հաստատմանն է ներկայացնում աշխատակազմի հաստիքացուցակը.
զ/ ձեռք է բերում, տիրապետում, օգտագործում, տնօրինում, օտարում և դուրս գրում Կազմակերպության՝ մինչև մեկ միլիոն դրամ արժողության ցանկացած տեսակի գույքը:
7.14 Կազմակերպության Վերահսկիչ հանձնաժողովըª բաղկացած 5 անդամից (Վերահսկիչ), ընտրվում է Համագումարի կողմից 4 տարի ժամկետով: Վարչության անդամները և Կազմակերպության Նախագահը չեն կարող լինել Վերահսկիչ հանձնաժողովի անդամներ:
7.15 Վերահսկիչ հանձնաժողովն իր աշխատանքներն իրականացնում է նիստերի ձևով, որոնք հրավիրվում են տարեկան առնվազն մեկ անգամ: Նիստ կարող է հրավիրվել նաև Կազմակերպության անդամների 20 տոկոսի, Հանձնաժողովի անդամների մեկ երրորդի, Կազմակերպության Նախագահի կամ Վարչության պահանջով:
7.16 Կազմակերպության Վերահսկիչ հանձնաժողովը կարող է հարցեր քննարկել և որոշումներ կայացնել, եթե նիստերին մասնակցում է հանձնաժողովի անդամների առնվազն երկու երրորդը: Հանձնաժողովի որոշումներն ընդունվում են ձայների պարզ մեծամասնությամբ: Ձայների հավասարության դեպքում, Հանձնաժողովի նախագահի ձայնը վճռորոշ է: Եթե վերահսկող մարմինը Վերահսկիչն է, ապա նա որոշումներ է ընդունում միանձնյա:
7.17. Վերահսկիչ հանձնաժողովը կարող է Կազմակերպության Նախագահից և այլ աշխատողներից պահանջել Կազմակերպության գործունեությանն առնչվող ցանկացած տվյալ և հաշվետվություն:
7.18. Վերահսկիչ հանձնաժողովը պարտավոր է հաշվետվություն ներկայացնել Համագու-մարին՝ Կազմակերպության գործունեության, հաշվեկշռի, գույքի պահպանման և այլ ամփոփ տվյալների ստուգման արդյունքների մասին:
8. ԿԱԶՄԱԿԵՐՊՈՒԹՅԱՆ ՍԵՓԱԿԱՆՈՒԹՅՈՒՆԸ,
ԳՈՅԱՑՄԱՆ ԱՂԲՅՈՒՐՆԵՐԸ ԵՎ ՕԳՏԱԳՈՐԾՄԱՆ ԿԱՐԳԸ
8.1 Կազմակերպության գույքը հանդիսանում է Կազմակերպության սեփականությունը:
8.2 Կազմակերպությունը որպես սեփականություն կարող է ունենալ անշարժ գույք, տրանսպորտային միջոցներ, սարքավորումներ, դրամական միջոցներ, արժեթղթեր և օրենքով չարգելված այլ գույք: Կազմակերպության անդամը նրա սեփականության նկատմամբ բաժնային իրավունք չունի:
8.3 Կազմակերպության սեփականության գոյացման աղբյուրներ կարող են լինել՝
ա/ Կազմակերպության անդամների մուտքի վճարները, անդամավճարները, դրամական և նյութական ներդրումները.
բ/ բանկային հիմնակներից ստացված վարկերը.
գ/ դրամաշնորհները.
դ/ բարեգործական ներդրումները, քաղաքացիների և կազմակերպությունների նվիրատվու-թյունները.
ե/ հովանավորներից /տեղական և արտերկրյա/ ստացված գումարները.
զ/ Կազմակերպության հիմնադրած տնտեսական ընկերությունների կողմից փոխանցված գումարները.
է/ Հայաստանի Հանրապետության օրենսդրությամբ չարգելված այլ մուտքեր:
8.4 Կազմակերպության սեփականությունը գտնվում է Հայաստանի Հանրապետության պաշտպանության ներքո:
8.5 Կազմակերպության սեփականությունը կարող է բռնագանձվել միայն դատարանի կողմից՝ օրենքով սահմանված կարգով:
8.6 Կազմակերպության միջոցները կարող են օգտագործվել միայն կազմակերպչական ծախսերի և կանոնադրությամբ սահմանված նպատակների ու խնդիրների իրականացման համար:
9. ԿԱԶՄԱԿԵՐՊՈՒԹՅԱՆ ՎԵՐԱԿԱԶՄԱԿԵՐՊՈՒՄԸ, ԼՈՒԾԱՐՈՒՄԸ, ԼՈՒԾԱՐՄԱՆ
ԴԵՊՔՈՒՄ ԳՈՒՅՔԻ ՕԳՏԱԳՈՐԾՈՒՄԸ
9. 1 Կազմակերպությունը կարող է լուծարվել Համագումարի կամ դատարանի որոշմամբ:
Համագումարը կազմավորում է լուծարային հանձնաժողով և օրենքով նախատեսված կարգով սահմանում լուծարման կարգն ու ժամկետները:
9.2 Կազմակերպության լուծարման ավարտին լուծարային հանձնաժողովը, պարտադիր վճարումներն իրականացնելուց հետո մնացած գույքը, Համագումարի որոշմամբ սահմանված կարգով, օգտագործում է Կազմակերպության կանոնադրական նպատակների և խնդիրների իրականացման համար, իսկ եթե դա հնարավոր չէ, փոխանցում է պետական բյուջե:
9.3. Կազմակերպությունը կարող է վերակազմակերպվել Համագումարի որոշմամբ կամ օրենքով սահմանված դեպքերում, դատարանի որոշմամբ՝ օրենքով սահմանված կարգով:
