ԳԻՎԻ ՇԱՀՆԱԶԱՐ
24.09.2024
ԳԻՎԻ ՇԱՀՆԱԶԱՐ
Վրաստանում կյանքից հեռացել է բազմավաստակ թարգմանիչ, ՀԳՄ անդամ, հայ-վրացական գրական առնչությունների երախտավոր, ՀԳՄ «Կանթեղ» թարգմանական մրցանակի, ՀՀ Մովսես Խորենացի մեդալի, Վրաստանի «Պատվո նշան» շքանշանի, Մաչաբելիի անվան մրցանակի դափնեկիր Գիվի Շահնազարը։ Նա հեղինակ է բազմաթիվ թարգմանական գրքերի։ Հայերենից վրացերեն է թարգմանել Գրիգոր Նարեկացու, Սայաթ-Նովայի, Եղիշե Չարենցի, Ավետիք Իսահակյանի, Վահան Տերյանի, Սիլվա Կապուտիկյանի, Վահագն Դավթյանի, Համո Սահյանի, Պարույր Սևակի և այլ հայ գրողների ստեղծագործություններից։
Հայաստանի գրողների միությունը ցավակցում է Գիվի Շահնազարի հարազատներին և գրչակից ընկերներին։
ՀԱՅԱՍՏԱՆԻ ԳՐՈՂՆԵՐԻ ՄԻՈՒԹՅՈՒՆ
