Արմեն Մարտիրոսյանի 80- ամյակին նվիրված հուշ-ցերեկույթ
05.05.2023
Մայիսի 3-ին՝ ՀԳՄ կլոր սրահում տեղի ունեցավ բանաստեղծ Արմեն Մարտիրոսյանի 80- ամյակին նվիրված հուշ-ցերեկույթ: Ներկա էին գրողներ, գրականագետներ և բանաստեղծի հարազատները: Բացման խոսքում ՀԳՄ նախագահ Էդվարդ Միլիտոնյանը նշեց, որ 60-80-ականների սերունդը դժվար է պատկերացնել առանց Արմեն Մարտիրոսյանի և նա իր ուրույն հետքն է թողել հայ գրականության մեջ:
Ելույթ ունեցան գրականագետներ Պետրոս Դեմիրճյանը, Աելիտա Դոլուխանյանը, Արքմենիկ Նիկողոսյանը, Սուրեն Աբրահամյանը, բանաստեղծներ Հակոբ Մովսեսը, Շանթ Մկրտչյանը, Արտաշես Արամը, արձակագիր Ալիս Հովհաննիսյանը, հրատարակիչ Վան Արյանը և բանաստեղծի կինը՝ Ջուլիետա Ալոյանը:
Ասմունքողներ Սամվել Բաղինյանն ու Մայրանուշ Գրիգորյանը ասմունքեցին Արմեն Մարտիրոսյանի բանաստեղծություններից:
