ԱՋԱԿՑՈՒԹՅԱՆ ՀԱՅՏԱՐԱՐՈՒԹՅՈՒՆ
Հայաստանի գրողների միություն
Պարոն Էդվարդ Միլիտոնյանին
Աջակցության հայտարարություն
Հարգելի պարոն Միլիտոնյան,
Սաքսոնիա-Անհալթի Ֆրիդրիխ-Բյոդեքեր-Կրայս (ՖԲԿ) միության կողմից ձեզ եմ ուղարկում մեր աջակցության հայտարարությունը։ Մենք տեղեկացանք, որ Հայաստանի գրողների միությունը (ՀԳՄ) ներգրավված է իր շենքի սեփականության իրավունքը վիճարկող դատական գործընթացում:
Ավելի քան 15 տարի ՖԲԿ-ն և ՀԳՄ-ն հաջողությամբ համագործակցում են բազմաթիվ նախագծերով։ Այս տարի մեր համագործակցությունը կշարունակվի «Կարոտի կամուրջներ» նախագծով: Մենք սպասում ենք գրականության և թարգմանությունների գերմաներեն-հայերեն փոխանակմանը, որի արդյունքը, հուսով ենք, կլինի երկլեզու գրքի հրատարակումը Գերմանիայում և Հայաստանում։
Մեր՝ նման կայուն համագործակցությունները կարող են հաջող լինել միայն այն դեպքում, երբ դրանք հիմնված են ամուր հիմքերի վրա: Եռանդուն ու փորձառու աշխատանքը նույնքան կարևոր է, որքան պետական ֆինանսավորումը և անվտանգ միջավայրը: Մենք անկեղծորեն հույս ենք տածում, որ ՀԳՄ շենքը կմնա գալիք տարիներին՝ ի նպաստ հայ գրական անդաստանի կենսունակության: Ուստի, մենք ուղարկում ենք ձեզ մեր աջակցության հայտարարությունը՝ հույս ունենալով խնդրի արդար կարգավորման:
Հարգանքներով՝
Սանդրա Հոյխել
Սաքսոնիա-Անհալթի Ֆրիդրիխ-Բյոդեքեր-Կրայս միության (ՖԲԿ) գործադիր տնօրեն
Հալլե (Զաալե)
06.03.2025
Հայաստանի գրողների միության նախագահին
Սիրելի Էդվարդ Միլիտոնյան
Անըմբռնելիորեն լսեցի, որ վիճարկվում է ՀԳՄ-ի Երևանի և Ծաղկաձորի ստեղծագործական տների սեփականության հարցը։ Ես եղել եմ այդ տներում և 2010 թվականին ՀԳՄ -ում ստորագրել եմ բարեկամության պայմանագիր Սաքսոնիա-Անհալթի և Հայաստանի գրողների միջև, այնուհետև այցելել եմ բազմաթիվ կարևոր իրադարձությունների առիթով, օրինակ՝ Հայոց ցեղասպանության 100-րդ տարելիցի կապակցությամբ։
Առանց այդ
կառույցների Հայաստանի գրողների միությունը կկորցնի իր կենտրոնական գրասենյակն ու հավաքատեղին և չի
կարող շարունակել գրական ավանդույթները, այսինքն իր կարևոր առաքելությունը՝
ի նպաստ Հայաստանի բարօրության։ Հորդորում եմ դատախազությանը զերծ մնալ օտարումներից:
Բարեկամական ողջույններով՝
Յուրգեն Յանկովսկի
Գերմանացի գրող
Հայաստանի գրողների միության պատվավոր անդամ
Լեոնա
11.03.2025
